Kaapstad – Die uitslag van 'n studie wat in die gesaghebbende British Medical Journal
gepubliseer is, het getoon die risiko van 'n ernstige padongeluk is
bykans twee keer so hoog as 'n bestuurder dagga gebruik het.
Die risiko is nóg hoër wanneer die bestuurder jonger as 35 jaar is.
Die
doel van die navorsing was om te bepaal wat die invloed van dagga op
padgebruikers is wanneer ander faktore, soos drankgebruik, buite
rekening gelaat word.
Die navorsing bied 'n oorsig oor nege studies waarby sowat 49 000 mense betrokke was.
Die
navorsers van die Dalhousie Universiteit in Kanada kon egter nie
antwoorde gee oor hoeveel van die dagga se aktiewe bestandeel nodig is
om 'n motoris se bestuursvermoë aan te tas nie.
